მესტიაში საკურას ხეები დაირგვება

იაპონიის ალპინისტური კლუბის 120 წლის იუბილეს აღსანიშნავად 2025 წელს მესტიაში იაპონური კულტურის უნიკალური სიმბოლო, ალუბლის ხეები, იგივე საკურას ხეები დაირგვება . პროექტი მიზნად ისახავს ერების მეგობრობისა და კულტურული ურთიერთობების გაძლიერებას. 2024 წლის მარტში იაპონიის კლუბის წევრები მესტიას ეწვივნენ, რათა ხეების დარგვისთვის საჭირო პირობები შეეფასებინათ. დარგვა 2025 წლის მაისში იგეგმება და პროცესში მონაწილეობის მიღება იაპონური ალპინისტური კლუბის წევრებთან ერთად ნებისმიერ მსურველს შეეძლება. მესტიის მაღალმთიანი კლიმატისა და ცივი ზამთრის გათვალისწინებით, ხეებს დროებით თბილისის ბოტანკურ ბაღში შეინახავენ, სანამ მათი დარგვა უსაფრთხო იქნება.