პოლიტიკა

„სისხლის სამართლის საპროცესო კოდექსში“ ცვლილებები პარლამენტმა პირველი მოსმენით მიიღო

პარლამენტმა პირველი მოსმენით, 87 ხმით მიიღო “სისხლის სამართლის საპროცესო კოდექსში“ ცვლილება, რომელიც საგამოძიებო და საპროკურორო ფუნქციების გამიჯვნას ითვალისწინებს.

ცვლილებების მიხედვით, გამოძიების დაწყების შესახებ გადაწყვეტილებას იღებს გამომძიებელი, თუმცა სავალდებულოა, რომ მან ამის შესახებ 12 საათის ვადაში, ნებისმიერი ფორმით, პროკურორს შეატყობინოს. ასევე, პროკურორი უფლებამოსილია, შეისწავლოს გამოძიების დაწყებაზე უარის თქმის გადაწყვეტილების კანონიერების საკითხი და გამომძიებელს მისცეს მითითება, რომ დაიწყოს ამა თუ იმ საქმეზე გამოძიება.

კოდექსში შეტანილი ცვლილებებით, პროკურორი უფლებამოსილია, გამოძიების დაწყებაზე უარის შესახებ საჩივრის დაკმაყოფილების შემთხვევაში, საგამოძიებო მიმართულების ხელმძღვანელს მისცეს მითითება გამოძიების დაწყების თაობაზე.

სისხლის სამართლის საპროცესო კოდექსში ცვლილებების შეტანის პროექტი ევროკავშირის რეკომენდაციების ერთ-ერთი პუნქტის შემადგენელი ნაწილია.

ასევე ნახეთ

„გლოვოს“ კურიერის მიმართ ჯანმრთელობის განზრახ მძიმე დაზიანების და ცეცხლსასროლი იარაღის მართლსაწინააღმდეგო შეძენა, შენახვის და ტარების ფაქტებზე ერთ პირს ბრალდება წარუდგინა

საქართველოს პროკურატურამ თბილისში „გლოვოს“ კურიერის მიმართ ჯანმრთელობის განზრახ მძიმე დაზიანების და ცეცხლსასროლი იარაღის მართლსაწინააღმდეგო შეძენა, …

ჩანთების ონლაინ მაღაზია