მიმდინარე წლის იანვარ-ივნისის პერიოდში თურქეთის ექსპორტი მეზობელ ბულგარეთში, საქართველოში, ერაყში, ირანში, სირიასა და საბერძნეთში წინა წლის ანალოგიურ პერიოდთან შედარებით 25,4%-ით გაიზარდა და 11,4 მილიარდ დოლარს მიაღწია, აღნიშნულის შესახებ ინფორმაციას თურქული მედია ვაჭრობის სამინისტროზე დაყრდნობით ავრცელებს.
თურქეთის ვაჭრობის სამინისტროსა და თურქეთის ექსპორტიორთა ასამბლეის მონაცემებით, თურქეთიდან მიმდინარე წლის 6 თვეში ექსპორტი 20%-ით გაიზარდა და გასული წლის ანალოგიურ პერიოდთან შედარებით რეკორდი დაამყარა. ამ ხნის განმავლობაში თურქეთიდან განხორციელებული ექსპორტის მთლიანმა შემოსავალმა 126 მილიარდი დოლარი შეადგინა.
იანვარ-მაისის მონაცემებით, თურქეთიდან საქართველოში 1 295 544,6 ათას დოლარის პროდუქციის იმპორტი განხორციელდა. რაც შეეხება წლიურ სტატისტიკას, ბოლო წლების მაჩვენებლები მზარდია, გამონაკლისი მხოლოდ 2020 წელია.
