პოლიტიკა

უარი უნდა თქვათ ანტიდასავლურ რიტორიკაზე, რამაც შეიძლება ხელი შეუშალოს საქართველოს ამ გზაზე – სლოვაკეთის პარლამენტის თავმჯდომარე ბორის კოლარი

სლოვაკეთის პარლამენტის თავმჯდომარე ბორის კოლარი საქართველოს ანტიდასავლურ რიტორიკაზე უარის თქმისკენ მოუწოდა. პარლამენტის თავმჯდომარესთან შეხვედრის შემდეგ გამართულ ერთობლივ ბრიფინგზე მან განაცხადება გააკეთა.

კოლარის თქმით, ევროკავშირში გაწევრიანება მარტივი პროცესი არ არის, მთავარია ქვეყანამ ისეთი ნაბიჯები არ გადადგას, რაც ევროკავშირთან შესაბამისობაში არაა.

“სლოვაკეთი მხარს უჭერს სტაბილურ, დემოკრატიულ საქართველოს და ჩვენ მხარს ვუჭერთ კარგი მმართველობის გამყარებას, დემოკრატიულ საზოგადოებას და აგრეთვე სავაჭრო და ეკონომიკურ ურთიერთობებს…

ევროკავშირში გაწევრიანება მარტივი პროცესი არ არის, მაგრამ მთლიანი ტენდენცია უნდა იყოს ნათელი. ჩვენ უარი უნდა ვთქვათ ისეთ ნაბიჯებზე, რაც ევროკავშირის სტანდარტებს არ შეესაბამება. უარი უნდა თქვათ ანტიდასავლურ რიტორიკაზე, რამაც შეიძლება ხელი შეუშალოს საქართველოს ამ გზაზე”, – განაცხადა სლოვაკეთის პარლამენტის თავმჯდომარემ.

მისი თქმით, ევროკავშირში გაწევრიანებისთვის ამ სურვილში ერთიანობა და პოლარიზაციის დაძლევაა.

“აუცილებელია, რომ საქართველოშიც ხელისუფლება, ოპოზიცია, არასამთავრობო სექტორი, ყველა ერთიანი იყვნენ ევროკავშირისკენ მისწრაფებებში. მნიშვნელოვანია ასეთი სიგნალის გაშვება. პოლიტიკაში, ბუნებრივია, არის განსხვავებები, მაგრამ პოლარიზაციით საზოგადოებას ვაყენებთ ზიანს, მათი მომავლის განვითარებას. მნიშვნელოვანია ერთიანობის ხიდების აშენება. ქვეყანას, რომელიც შიგნით ერთიანია, შეუძლია გარე გავლენების აცილება. ვიზიტის გზავნილი არის, რომ ჩვენ სრულად ვუჭერთ მხარს საქართველოს მისწრაფებას ევროკავშირისკენ”, – განაცხადა სლოვაკეთის პარლამენტის თავმჯდომარემ.

შეგახსენებთ, რომ საქართველოს პარლამენტის თავმჯდომარემ შალვა პაპუაშვილმა შეხვედრა გამართა საქართველოში ვიზიტით მყოფ სლავკოვის სამეულთან – სლოვაკეთის, ავსტრიისა და ჩეხეთის რესპუბლიკების პარლამენტების თავმჯდომარეებთან.

ასევე ნახეთ

ბიძინა ივანიშვილი პოლიტიკაში დაბრუნდა

“ქართული ოცნების” რიგით მე-7 ყრილობის მთავარი მოვლენად ბიძინა ივანიშვილის განცხადება პოლიტიკაში მესამედ მოსვლის შესახებ გახდა. …

ჩანთების ონლაინ მაღაზია