უკრაინული მედიის ინფორმაციით, უკრაინის ქალაქ ლვოვში რუსული ძალების მიერ განხორციელებული სარაკეტო თავდასხმის შედეგად დაღუპულთა რიცხვი 4-მდე, დაშავებულების კი – 34-მდე გაიზარდა.
ლვოვის საოლქო-სამხედრო ადმინისტრაციის ხელმძღვანელი მაქსიმ კოზიცკი აცხადებს, რომ რუსებმა“კალიბრის“ რაკეტები შავი ზღვიდან გაუშვეს. უკრაინის საჰაერო თავდაცვის ძალებმა 7 მათგანი ჩამოაგდეს.
„ოთხი ადამიანის გარდაცვალება დადასტურდა. თავდასხმის დროს ისინი ყველა სახლში იმყოფებოდნენ. დაშავდა 34 ადამიანი. დაზიანდა 30-მდე სახლი და 50-ზე მეტი ავტომობილი“, – აცხადებს გუბერნატორი.
სამძებრო-სამაშველო სამუშაოები გრძელდება.
