პოლიტიკა

უკრაინის გენშტაბი – რუსული ძალები სამი მიმართულებით – ლიმანის, ბახმუტისა და ავდიივკას მიმართულებით წარუმატებლად ცდილობდნენ შეტევას

რუსული ძალები, გასული დღის განმავლობაში, წარუმატებლად ცდილობდნენ შეტევას სამი მიმართულებით – ლიმანის, ბახმუტისა და ავდიივკას მიმართულებით, – ინფორმაციას უკრაინის შეიარაღებული ძალების გენერალური შტაბი ავრცელებს.

უწყების ცნობით, ოკუპანტებმა, გასული დღის განმავლობაში, 8 სარაკეტო და 74 საჰაერო დარტყმა განახორციელეს და უკრაინის ჯარების პოზიციები და სამოქალაქო დასახლებები მრავალჯერადი სარაკეტო სისტემებიდან 62-ჯერ დაბომბეს.

„მტრის ძირითადი ძალისხმევა კონცენტრირებულია ლუგანსკისა და დონეცკის ოლქების მთლიანად ოკუპაციის მცდელობებზე, მძიმე ბრძოლები გრძელდება. გასული დღის განმავლობაში ფრონტის ამ სექტორზე 34 საბრძოლო შეტაკება მოხდა“, – აცხადებენ გენშტაბში.

უწყების ცნობით, უკრაინის თავდაცვის ძალების ავიაციამ, გასული დღე-ღამის განმავლობაში, 19 დარტყმა განახორციელა იმ ლოკაციებზე, სადაც რუსეთის შეიარაღებული ძალების პირადი შემადგენლობა იყო დისლოცირებული, ასევე, ორი დარტყმა მიაყენა მოწინააღმდეგის საზენიტო-სარაკეტო კომპლექსებს.

გარდა ამისა, უკრაინის სარაკეტო და საარტილერიო ქვედანაყოფებმა რუსული ძალების მართვის 4 პუნქტს, ცოცხალი ძალის, იარაღისა და სამხედრო ტექნიკის კონცენტრაციის 6 ტერიტორიას, საბრძოლო მასალის 3 საცავსა და 5 საარტილერიო ქვედანაყოფს დაარტყეს.

ასევე ნახეთ

ვოლოდიმირ ზელენსკი – უკრაინის ცის სრული დაცვა ნორმად უნდა იქცეს, რათა კრემლში შეშლილებმა გაიგონ, რომ მათი ტერორიზმი მიზანს ვერ აღწევს

უკრაინის პრეზიდენტის, ვოლოდიმირ ზელენსკის განცხადებით რუსული ძალების მიერ განხორციელებული მასიური თავდასხმის შემდეგ განაცხადა, რომ პარტნიორებმა …

ჩანთების ონლაინ მაღაზია