კრემლის პრესსამსახურის ინფორმაციით, რუსეთის პრეზიდენტი, ვლადიმერგ პუტინი ხერსონში, „დნეპრის“ ჯარების ჯგუფის შტაბბინას და ლუგანსკში, ეროვნული გვარდიის ჯგუფის „ვოსტოკის“ შტაბბინას სტურმობს, -.
„ვლადიმერ პუტინმა ხერსონის რეგიონში „დნეპრის“ ჯარების დაჯგუფების შტაბ-ბინაში მოისმინა საჰაერო სადესანტო ძალების მეთაურის, გენერალ-პოლკოვნიკ მიხაილ ტეპლინსკის, „დნეპრის“ ჯარების ჯგუფის მეთაურის, გენერალ-პოლკოვნიკ ოლეგ მაკარევიჩის და სხვა სამხედრო ხელმძღვანელების მოხსენებები“, – განაცხადეს კრემლში.
რუსული მედიის ცნობით, შეხვედრაზე პუტინი დაინტერესდა ხერსონსა და ზაპოროჟიეში არსებული ვითარებით – პუტინმა მეთაურებთან აღნიშნა, რომ „მნიშვნელოვანია“ მათი მოსმენა და ინფორმაციის გაცვლა.
„ჩემთვის მნიშვნელოვანია თქვენი აზრის მოსმენა, თუ როგორ ვითარდება სიტუაცია, მოგისმინოთ, გავცვალოთ ინფორმაცია“, – განაცხადა პუტინმა სამხედრო მეთაურებთან შეხვედრაზე.
