პოლიტიკა

შარლ მიშელი – ევროკავშირი 2030 წელს გაფართოებისთვის მზად უნდა იყოს

„ევროკავშირის გაფართოება აღარ არის ოცნება“ ,- განაცხადა შარლ მიშელმა, ევროპული საბჭოს პრეზიდენტმა სლოვენიაში გამართულ საერთაშორისო სტრატეგიულ ფორუმზე. მისი თქმით, ევროკავშირი 2030 წლისთვის გაფართოებისთვის მზად უნდა იყოს.

„გასულ წლის ივნისში ჩვენ მივანიჭეთ კანდიდატის სტატუსი (ევროკავშირში გაწევრიანების მიზნით) უკრაინასა და მოლდოვას. იგივე სტატუსი ელის საქართველოს, როცა საჭირო ნაბიჯებს გადადგამს. ასე რომ, ახლა გაფართოება აღარ არის ოცნება. დროა წინ წავიწიოთ“, – აღნიშნა მიშელმა.

შარლ მიშელის თქმით, გაფართოების პროცესი „რთული და ზოგჯერ მტკივნეული“ იქნება როგორც მომავალი წევრი ქვეყნებისთვის, ასევე ევროკავშირისთვის.

„ჩვენ ამისთვის მზად უნდა ვიყოთ. ეს ნიშნავს იმას, რომ შემდეგი გრძელვადიანი ბიუჯეტი საერთო მიზნებს უნდა შეიცავდეს. ეს ამბიციურია, მაგრამ საჭიროა. ეს ჩვენ სერიოზულ განწყობას აჩვენებს“, – განაცხადა ევროპული საბჭოს პრეზიდენტმა.

ეს კანდიდატი ქვეყნებისთვის იმპულსი გახდება – იმპულსი რეფორმების ჩატარებისთვის, გამოიწვევს მათ ინტერესს, ინვესტიციებს და უკეთეს ურთიერთგაგებას.

„შესაძლებლობების ფანჯარა ღიაა. ჩვენ უნდა ვიმოქმედოთ ამის შესაბამისად. ამიტომ გაფართოების საკითხი ევროპული საბჭოს უკვე მომდევნო სხდომებზე განიხილება. ჩვენ დავიკავებთ მკაფიო პოზიციას უკრაინასთან და მოლდოვასთან მოლაპარაკებების დასაწყებად. მე ასევე ველი, რომ მოლაპარაკებების მაგიდასთან ბოსნია – ჰერცეგოვინა და საქართველოც იქნებიან“, – განაცხადა მიშელმა.

ასევე ნახეთ

სტრასბურგის სასამართლომ საქმეზე – „საქართველო რუსეთის წინააღმდეგ“ რუსეთის მხრიდან ადამიანის უფლებების მრავალი დარღვევა გამოავლინა

ადამიანის უფლებათა ევროპულმა სასამართლომ საქმეზე „საქართველო რუსეთის წინააღმდეგ“ გადაწყვეტილება გამოაქვეყნა, რომელიც 2008 წლის კონფლიქტის შემდეგ …

ჩანთების ონლაინ მაღაზია