პოლიტიკა

სპეციალურმა საგამოძიებო სამსახურმა სოსო გოგაშვილის მიმართ სამსახურებრივი უფლებამოსილების ძალადობით გადამეტების ფაქტზე გამოძიება დაიწყო

სახელმწიფო უსაფრთხოების სამსახურის უფროსის ყოფილი მოადგილის, სოსო გოგაშვილის მიმართ სამსახურებრივი უფლებამოსილების ძალადობით გადამეტების ფაქტზე გამოძიება დაიწყო. ამის შესახებ საქართველოს პირველ არხს საგამოძიებო უწყებაში განუცხადეს.

„სპეციალურმა საგამოძიებო სამსახურმა გამოძიება იოსებ გოგაშვილის მიმართ განხორციელებული სამსახურებრივი უფლებამოსილების ძალადობით გადამეტების ფაქტზე, საქართველოს სისხლის სამართლის კოდექსის 333-ე მუხლის მე-3 ნაწილის „ბ“ ქვეპუნქტით გათვალისწინებული დანაშაულის ნიშნებით დაიწყო“, – აცხადებენ სპეციალურ საგამოძიებო სამსახურში.

სოსო გოგაშვილის ოჯახის წევრები ამბობენ, რომ სამართალდამცველებმა გოგაშვილს დაკავებისას ფიზიკური დაზიანებები მიაყენეს. მისი ადვოკატებიც აცხადებენ, რომ გოგაშვილს სახეზე და ტანზე აღენიშნება დაზიანებები, რის გამოც მათ მოთხოვნილი აქვთ სამედიცინო ექსპერტიზის ჩატარება.

ასევე ნახეთ

გაერო-ს მონაცემებით, მსოფლიოს მოსახლეობამ რვა მილიარდს გადააჭარბა

გაერო-ს მონაცემებით, მსოფლიოს მოსახლეობამ რვა მილიარდს გადააჭარბა. მსოფლიოს მოსახლეობა ბოლო ათწლეულში ერთი მილიარდით გაიზარდა. გაერო-ს ანგარიშის …