დაკავებული სოსო გოგაშვილის შვილი, ნიკა გოგაშვილი ამბობს, რომ ჩხრეკისას მამამისს ორი იარაღი ჩაუდეს.
“ორი იარაღი ჩადეს და შეტენეს რაღაც ყალბი ფაქტები, მოსმენების და ა.შ. სამი მუხლით მიდის გამოძიება, ერთი არის იარაღის უკანონო შენახვა, მეორე არის სამსახურებრივი მოვალეობის ბოროტად გამოყენება და რაღაც სისულელე”, – ამბობს ნიკა გოგაშვილი.
შეგახსენებთ, რომ სოსო გოგაშვილმა ქართული ოცნება 2020 წლის ოქტომბერში დატოვა. ის სუს-ის უფროსის მოადგილედ 2015-2018 წლებში მუშაობდა. 2014 წელს შსს-ს გენინსპექციის უფროსი იყო. გოგაშვილი ხელმძღვანელობდა პანკისის ხეობაში ჩატარებულ სპეცოპერაციას, რა დროსაც 19 წლის თემირლან მაჩალიკაშვილი მოკლეს
