50 დღე უეფას 21-წლამდე ევროპის ჩემპიონატის დაწყებამდე. ვიდრე საქართველო მნიშვნელოვან საფეხბურთო ჩემპიონატს უმასპინძლებს, აღნიშნულ თარიღთან დაკავშირებით, დღეს თბილისიდან ბათუმის მიმართულებით პირველი დაბრენდილი მატარებელი გაემგზავრა.
მატარებლების მონიტორებში ჩემპიონატთან დაკავშირებული სიანფორმაციო ვიდეორგოლები გაეშვება.
დაბრენდილი მატარებელი გამგზავრებამდე ფეხბურთის ფედერაციის გენერალურმა მდივანმა დავით მუჯირმა და საქართველოს რკინიგზის მგზავრთა გადაყვანების დირექტორმა დაჩი ცაგურიამ დაათვალიერეს.
შეგახსენებთ, უეფას 21-წლამდე ევროპის ჩემპიონატი საქართველოსა და რუმინეთში 21 ივნისიდან 8 ივლისის ჩათვლით ტარდება. ევროპირველობის მატჩები საქართველოს სამ ქალაქში, თბილისში, ქუთაისსა და ბათუმში გაიმართება.
