ქუთაისის „ტორპედო“ კონფერენს ლიგის მომდევნო ეტაპზე იასპარეზებს. ქუთაისელებმა საპასუხო მატჩში ყაზახურ „ორდაბასთან” სტუმრად ფრედ, 1:1 ითამაშეს.
ქუთაისში მოგებული 4:3-ის შემდეგ, „ტორპედომ“ მეორე შეხვედრაში მალევე მოახერხა დაწინაურება. მე-13 წუთზე შორეული დარტყმით, ანგარიში ირაკლი ბიძინაშვილმა გახსნა და ქუთაისელებმა პირველი ნახევარი მოიგეს.
მეორე ტაიმში, 49-ე წუთზე საბა კვირკველიას მთავარმა მსაჯმა მეორე ყვითელი ბარათი უჩვენა და მოედნიდან გააძევა.
მასპინძლებმა მსაჯის მიერ დამატებულ ბოლო წუთზე ანგარიში გაათანაბრეს, 1-1. ორი მატჩის ჯამში ქუთაისლებემა 5:4 მოიგეს და მომდევნო ეტაპზე გავიდნენ.
კონფერენს ლიგის მეორე საკვალიფიკაციო ეტაპის მატჩს „ტორპედო“ 24 ივლისს კვიპროსულ „ომონიასთან“ სტუმრად გამართავს.
