ქართველი ჩოგბურთელი, ნიკოლოზ ბასილაშვილი იაპონიაში, იოკოჰამას ჩელენჯერის ტურნირზე ასპარეზობას წარმატებით იწყებს.
მან 1/16-ფინალურ შეხვედრაში ხორვატი ივან დოდიგი სამ სეტში – 6:4, 2:6, 6:4 დაამარცხა და მერვედფინალური ეტაპის საგზური მოიპოვა.
ბასილაშვილის შემდეგი მეტოქე გერმანელ ნეგრიტუსა და ფრანგ ლესტიენს შორის გამარჯვებული იქნება.
შეგახსენებთ, რომ რამდენიმე კვირის წინ ქართველმა ჩოგბურთელმა სეულის ჩელენჯერი მოიგო, ის რეიტინგში ამჟამად 215-ე ადგილზეა.
