„რომამ“ და „გალათასარაიმ“ თურქეთში მომხდარი მიწისძვრით დაზარალებულების დასახმარებლად საქაველმოქმედო მატჩის ჩატარება დაგეგმეს. შემოსული თანხა მთლიანად გადაირიცხება მიწისძვრით დაზარალებულთა ფონდში.
მატჩის ჩატარების ზუსტი თარიღი ჯერჯერობით არ არის დაზუსტებული დ უახლოეს პერიოდში გახდება ცნობილი.
რამდენიმე დღით ადრე თურქულმა კლუბებმა – „გალათასარაიმ“, „ბეშიქთაშმა“ და „ფენერბახჩემ“ საკუთარ სტადიონებზე მიწისძვრით დაზარელაბულთა დახმარების პუნქტები მოაწყვეს.
შეგახსენებთ, რომ რამდენიმე დღის წინ თურქეთსა და სირიაში ძლიერი მიწისძვრა მოხდა. ბიძგების სიმძლავრემ 7.9 მაგნიტუდა შეადგინა. რეგიონში ეს გასული 80 წლის განმავლობაში მომხდარი ყველაზე ძლიერი მიწისძვრაა.
