საქართველოს 21 წლამდე ნაკრები ანტალიაში მიმდინარე შეკრებაზე სერბეთს დაუპირისპირდა და 3-1 გაიმარჯვა.
ანგარიში გაბრიელ სიგუამ მე-11 წუთზე გახსნა. სერბებმა წონასწორობა 28-ე წუთზე თერთმეტმეტრიანით აღადგინეს.
ტაიმის მიწურულს კი თორნიკე მორჩილაძემ მისივე წაქცევისთვის დანიშნული პენალტით საქართველოს ნაკრები დააწინაურა.
მატჩის საბოლოო ანგარიში, 1-3 შეხვედრის 84-ე წუთზე ირაკლი იაკობიძემ დააფიქსირა.
პირველ ტესტ-მატჩში, საქართველოს ახალგაზრდულმა ნაკრებმა ევროპის ჩემპიონატის მონაწილე – ფინეთი 4:2 დაამარცხა.
შეგახსენებთ, საქართველოს 21-წლამდე ნაკრები, ივნისში, ევროპის ჩემპიონატზე პირველ მატჩს 11 ივნისს, პოლონეთის წინააღმდეგ გამართავს, 14 ივნისს საფრანგეთს შეხვდება და ჯგუფური ეტაპის ბოლო მატჩში, 17 ივნისს პორტუგალიას დაუპირისპირდება.
ევრო 2025 | მატჩების განრიგი
11 ივნისი | პოლონეთი V საქართველო | ჟილინა, სლოვაკეთი
14 ივნისი | საფრანგეთი V საქართველო | ჟილინა, სლოვაკეთი
17 ივნისი | საქართველო V პორტუგალია | ტრენჩინი, სლოვაკეთი
ფოტო: საქართველოს ფეხბურთის ფედერაცია
