უეფა-ს ერთა ლიგაზე საქართველოს ეროვნული ნაკრები უკრაინას დაუპირისპორდა და მიხაილო მუდრიკის გატანილი ერთადერთი გოლით 0:1 დამარცხდა.
ტურის წინა თამაშებში საქართველოს ნაკრებმა ჯერ ჩეხეთს 4:1 სძლია, ხოლო შემდეგ ალბანეთს 1:0 აჯობა და ჯგუფში პირველ ადგილს იკავებდა.
მატჩის დასაწყისში პოზნანის სტადიონზე განათების პრობლემა შეიქმნა და შეხვედრა დროებით შეჩერდა. უკრაინელებს მოგება ჰაერივით სჭირდებოდათ, პირველ ნომრად თამაშობდნენ და 35-ე წუთზე მიზანს მიაღწიეს, დასარტყმელ პოზიციაზე მიხაილო მუდრიკი გავიდა და მასპინძლები დააწინაურა.
საქართველოს ნაკრებმა ამის შემდეგ აქტიურად შეუტია, რამდენიმე სახიფათო მომენტიც ჰქონდა, თუმცა გოლის გატანა ვერ მოახერხა.
მიუხედავად მარცხისა, 3 ტურის შემდეგ საქართველოს ნაკრები 6 ქულით ჯგუფში ისევ პირველ ადგილზეა და ჩეხებს (6) დამტებითი მაჩვენებლებით უსწრებს.
ფოტო – ეროვნული ნაკრები.
