პოლიტიკა

საქართველოს ქალთა ეროვნულმა ნაკრებმა ევროპის ჩემპიონატის საკვალიფიკაციო მატჩში კვიპროსი 2:0 დაამარცხა

საქართველოს ქალთა ეროვნულმა ნაკრებმა ევროპის ჩემპიონატის საკვალიფიკაციო ეტაპი წარმატებით დაიწყო – ირის ანტმანის გუნდმა კვიპროსი 2:0 დაამარცხა.

ჩვენმა გუნდმა ახნას „დასაკი სტადიოზე“ გამართული თამაში თავიდანვე კარგად დაიწყო და 32-ე წუთზე ირინა ხაბურზანიას გოლით დაწინაურდა. თუმცა, შვიდ წუთში გოლის ავტორს შეხვედრის არბიტრმა მეორე ყვითელი ბარათი აჩვენა და მოედნიდან გააძევა.

დარჩენილი დრო გუნდმა ათი მოთამაშით ჩაატარა და ამის მიუხედავად, 63-ე წუთზე უპირატესობა გაზარდა. ჩვენი გუნდის საუკეთესო თავდამსხმელმა, თეონა ბაარაძემ კვიპროსის კარი მეორედ აიღო და საბოლოო ანგარიში დააფიქსირა.

საქართველოს ნაკრები კვიპროსს ახლა უკვე საკუთარ მოედანზე დაუპირისპირდება – შეხვედრა 4 ივნისს, თბილისში 20:00 საათზე დაიწყება.

ასევე ნახეთ

ფონდი „ქართუ“ საფეხბურთო ნაკრებს ევროპის ჩემპიონატზე გასვლისთვის ჯილდოს სახით 30 მილიონ ლარს გადასცემს

ევროპის ჩემპიონატის ქვეჯგუფიდან გასვლისთვის ფონდი „ქართუ“ საფეხბურთო ნაკრებს ჯილდოს სახით 30 მილიონ ლარს გადასცემს, ქვეჯგუფიდან …

ჩანთების ონლაინ მაღაზია