პოლიტიკა

ხეცურიანის ოქრო და თიბილაშვილის ბრინჯაო – ეტლით მოფარიკავეთა ტრიუმფი მსოფლიო თასზე

საქართველოს ეტლით მოფარიკავე ქალთა ნაკრებმა წარმატებით დაიწყო ასპარეზობა პიზის 2022 წლის მსოფლიო თასის გათამაშებაზე.

ტურნირზე ირმა ხეცურიანი ხმლით ფარიკაობაში ოქროს მედლის მფლობელი გახდა. ქართველმა ნახევარფინალში სამხრეთ კორეელი პარასპორტსმენი ჩოო​ ანგარიშით 15:14 დაამარცხა, ფინალში კი იტალიელ პასკუინოს 15:9 მოუგო.

ამავე ტურნირზე, ნინა თიბილაშვილმა​ მესამე ადგილისთვის ბრძოლაში პოლონელ ფრიდრიხს დაძაბულ დაპირისპირებაში 15:14 სძლია და შეჯიბრზე ბრინჯაოს მედალი მოიპოვა.

პიზის მსოფლიო თასზე, ხვალ ირმა ხეცურიანი, ნინა თიბილაშვილი და გვანცა ზადიშვილი რაპირით ასპარეზობაში მედლების მოსაპოვებლად იბრძოლებენ.

ასევე ნახეთ

ევრობასკეტი 2022 – 1/2 ფინალის წყვილები და პლეი ოფის სრული განრიგი

ევრობასკეტი 2022-ზე დასრულდა მეოთხედფინალური ეტაპი და დაკომპლექტდა ნახევარფინალური წყვილები:   1/2 ფინალი 16 სექტემბერი 19:15 …