უკრაინის დამოუკიდებლობის დღეს, 24 აგვისტოს, თბილისში, პირველი რესპუბლიკის მოედნიდან საქართველოს პარლამენტის მიმართულებით უკრაინელებისა და უკრაინის მხარდამჭერთა მსვლელობა გაიმართება. მსვლელობა ტარდება საერთაშორისო კამპანიის #IndependenceInMyHeart (დამოუკიდებლობა ჩემს გულში) ფარგლებში. ღონისძიება ერთდროულად დაგეგმილია მსოფლიოს 24 ქვეყანაში, 51 ქალაქში. 19:00-19:30 – მონაწილეთა შეკრება პირველი რესპუბლიკის მოედანზე ველოსიპედის მონუმენტთან;19:30 – მსვლელობის დაწყება;19:30-20:00 – მსვლელობა რუსთაველის გამზირზე …

უკრაინული მედიის ინფორმაციით, ქვეყნის თითქმის მთელ ტერიტორიაზე, გარდა ყირიმისა და ხერსონისა, რომლებიც რუსეთის მიერაა ოკუპირებული, დილიდან განგაშის სიგნალია ჩართული. გვიან ღამით ოკუპანტებმა კიდევ ერთი იერიში განახორციელეს ზაპოროჟიეზე. ამის შესახებ ზაპოროჟიეს ოლქის სამხედრო ადმინისტრაციის მეთაურმა, ანატოლი კურტევმა განაცხადა. მისი ინფორმაციით, რუსეთის სამიზნე ორი ქალაქის ინფრასტრუქტურა გახდა.

საქართველოს პარლამენტის თავმჯდომარე შალვა პაპუაშვილი მოქალაქეებს კონსტიტუციის დღეს ულოცავს. „27 წელი გავიდა მას შემდეგ, რაც საქართველოს პარლამენტმა ქვეყნის უზენაესი კანონი – საქართველოს კონსტიტუცია მიიღო. საქართველოს კონსტიტუცია და მასში ასახული ფასეულობები არის ჩვენი ქვეყნის ევროპული მომავლის გარანტი. ყველას გილოცავთ კონსტიტუციის დღეს!“, – წერს შალვა პაპუაშვილი „ფეისბუქის“ გვერდზე.

უეფა-ს პრესსამსახურმა კომენტარი გაუკეთა რუსი საფეხბურთო ჩინოვნიკების ბოლოდროინდელ გააქტიურებას. მათ აქვთ სურვილი მოხდეს ყირიმის კლუბების ინტეგრირება რუსეთის საფეხბურთო კავშირის ეგიდით გამართულ ტურნირებზე. 22 აგვისტოს რუსებმა შექმნეს სამუშაო ჯგუფი, რომელიც გააანალიზებს ყირიმის კლუბების მზადყოფნას რუსულ ფეხბურთში ინტეგრაციასთან დაკავშირებით. „რაც შეეხება სიტუაციას ყირიმში, ძალაში რჩება უეფა-ს 2014 წლის 22 აგვისტოს გადაწყვეტილება, რომელიც …

აშშ-ის ქალაქ ელ-პასოს მახლობლად მესაზღვრეების პატრულმა დააკავა სამი მექსიკელი, რომლებიც აშშ-ში უკანონოდ შესვლას ბუჩქების კოსტიუმებით ცდილობდნენ. ამის შესახებ Daily Mail-ი წერს. „პირები, რომლებიც აშშ-ში უკანონოდ შედიან, ხშირად მიმართავენ ექსტრაორდინარულ ტაქტიკას. მადლობას ვუხდით აგენტებს ამ სამი მიგრანტის დაკავებისთვის“, – წერს Twitter-ზე ადგილობრივი სასაზღვრო სამსახურის უფროსი გლორია ჩავესი.

სალომე ზურაბიშვილი ყირიმის პლატფორმის მეორე სამიტზე სიტყვით გამოვიდა.  მან თქვა: “ჩემთვის დიდი პატივია, წარმოვადგენდე საქართველოს და ქართველ ხალხს. აუცილებელია ერთად დგომა იმ ღირებულებების დასაცავად, რომელიც გვაერთიანებს და რომელიც, მე მჯერა, რომ ჩამოაყალიბებს ჩვენს საერთო მომავალს. ამაყი ვარ, რომ ვუერთდები ყირიმის დეკლარაციას საქართველოს სახელით. კიდევ ერთხელ ვიმეორებთ ჩვენს მხარდაჭერას თქვენი [უკრაინის] ტერიტორიული მთლიანობის …

სამსახურებრივი მოვალეობის არაჯეროვნად შესრულებაში ბრალდებულ ესკორტის ოფიცერ ვალერი გოზალიშვილს აღკვეთის ღონისძიების სახით პატიმრობა შეეფარდა. დღევანდელ პროცესზე ბრალდების მხარე გოზალიშვილისთვის აღკვეთის ღონისძიების სახით პატიმრობის გამოყენებას ითხოვდა, დაცვის მხარე კი მის 5 000 – ლარიანი გირაოს სანაცვლოდ გათავისუფლებას მოითხოვდა. პროკურორის განმარტებით, გოზალიშვილი გადაადგილდებოდა სამსახურებრივი, საშტატო იარაღით იმ ფლიგელში, სადაც განთავსებული იყვნენ ფსიქიკური პრობლემების …

ხმელთაშუა ზღვაში 40 მეტრიანი იახტა ჩაიძირა. შემთხვევა იტალიაში კატასაროს სანაპიროდან ცხრა საზღვაო მილის (17 კილომეტრის) მოშორებით მოხდა. იტალიური მედიის ცნობით, იახტა „ჩემი საგა“, კაიმანის კუნძულების დროშით და იტალიელი ეკიპაჟით, შაბათს დაახლოებით 13:00 საათზე ჩაიძირა, როცა გალიპოლიდან მილაცოში მიცურავდა. იტალიის სანაპირო დაცვამ ბორტზე მყოფი ცხრა ადამიანი – ოთხი მგზავრი და ეკიპაჟის …

„კორონავირუსი მნიშვნელოვნად ზრდის დემენციის, ფსიქოზისა და გონების დაბინდვის სინდრომის (კოგნიტური დეფიციტის) განვითარების რისკს ინფიცირებიდან ორი წლის შემდეგ“, – ამის შესახებ დაავადების ნევროლოგიური და ფსიქიატრიული ეფექტების შესახებ ჩატარებულ პირველ ვრცელ კვლევაშია აღნიშნული. ინფორმაციას Financial Times-ი ავრცელებს. კვლევის თანახმად, გრძელვადიანი ეფექტები ნაკლებად ვლინდება ბავშვებში, თუმცა, ამ კატეგორიაში, ინფექცია ეპილეფსიის რისკს აორმაგებს. ოქსფორდის უნივერსიტეტის მკვლევარებმა ორი წლის წინ ინფიცირებული 1.25 მილიონი ადამიანის …

საქართველოს პრეზიდენტი სალომე ზურაბიშვილი დღეს მონაწილეობას მიიღებს „ყირიმის პლატფორმის“ მეორე სამიტში, რომელიც უკრაინის პრეზიდენტის ინიციატივით შეიქმნა. პრეზიდენტის ადმინისტრაციის ინფორმაციით, სამიტი ონლაინფორმატში ტარდება და მიზნად ისახავს ყირიმის მიმდინარე ოკუპაციაზე საერთაშორისო რეაგირების ეფექტიანობის გაუმჯობესებას, უსაფრთხოების მზარდ საფრთხეებზე რეაგირებას, კრემლზე საერთაშორისო ზეწოლის გაზრდას, ყირიმის დეოკუპაციისა და მისი უკრაინისთვის დაბრუნებას. საქართველოს პრეზიდენტი სიტყვით მიმართავს სამიტის მონაწილეებს: მსოფლიო …