რუსთაველის გამზირზე მიმდინარე აქციაზე საგარეო საქმეთა ყოფილი მინისტრი მაია ფანჯიკიძე მივიდა. მან აქციაზე შეკრებილებს სიტყვით მიმართა:
“ეს არის ზეპარტიული თემა, ეს არის საკითხი, რომელიც საქართველოს ყველა მოქალაქეს უნდა აწუხებდეს მიუხედავად იმისა, რომელ პარტიას ირჩევს არჩევნებზე. ამიტომ, რადგან ეს არის ბედის, ყოფნა-არყოფნის საკითხი, ჩემთვის ასეა, ვფიქრობ, არავის პოლიტიკური ინტერესი და პოლიტიკური სიმპათია არ უნდა გვაღელვებდეს. მთავარია, რომ ვდგავართ ერთად და ყველას გვაქვს ერთადერთი მიზანი, ეს მიზანი არის ევროპა“
