პოლიტიკა

კარლ ჰარცელი – თქვენი ბედი საბოლოოდ, თქვენს ხელშია

საქართველოსთვის ევროკომისიის მიერ ევროკავშირის კანდიდატის სტატუსის მინიჭების შესახებ მოსაზრებას კარლ ჰარცელი ეხმაურება.

ევროკავშირის ელჩი საქართველოში ამბობს, რომ ევროკომისიის მოსაზრება საქართველოს შესახებ, „ფხიზლად ყოფნის მომენტია“.

„როდესაც შედეგებს ვუყურებთ, არ შეიძლება არ აღინიშნოს, რომ საქართველომ ნაკლებად ხელსაყრელი მოსაზრება მიიღო, ვიდრე უკრაინამ და მოლდოვამ და ეს არის გზავნილი, რომელიც სერიოზულად უნდა იყოს მიღებული. ეს საქართველოსთვის ფხიზლად ყოფნის მომენტია და როგორც ადრინდელი გაფართოების პროცესების ისტორიამ და გამოცდილებამ აჩვენა, საბოლოოდ, ბურთი თითოეული ცალკეული ქვეყნის მოედანზეა. იმ პროცესში, რამაც ევროკავშირში მკვეთრი გაფართოება და 2004 წელს 10 ახალი წევრის შეერთება გამოიწვია, განმცხადებლების უმეტესობას აღმავლობებისა და ჩავარდნების თავისი წილი შეხვდათ. ჯერ კიდევ 1997 წელს, იყო სიტუაცია, როდესაც თავდაპირველად მათგან მხოლოდ 6-ს მიენიჭა კანდიდატის სტატუსი, ასე რომ ამაში არაფერია ახალი და წარსული გამოცდილება აჩვენებს ფუნდამენტურ მხარეს. თქვენი ბედი საბოლოოდ, თქვენს ხელშია”, – განაცხადა ჰარცელმა.

ასევე ნახეთ

ბექა ღვინიაშვილი ზაგრების გრან პრის გამარჯვებული გახდა

ბექა ღვინიაშვილმა ზაგრების გრან პრი მოიგო. ინფორმაციას ძიუდოს ეროვნული ფედერაცია ავრცელებს. ფინალში ღვინიაშვილმა ბრაზილიელი მეტოქე …