მილიონი ლარი პირად მწვრთნელებს, – ძიუდოს ფედერაციამ ახალი პროექტი წარადგინა

დღეს საქართველოს ძიუდოს ეროვნულმა ფედერაციამ სასტუმრო „ბილტმორში“ ახალი პროექტის პრეზენტაცია გამართა.

პროექტი მილიონი ლარი პირად მწვრთნელებს, – საქართველოს ძიუდოს ფედერაციის პრეზიდენტმა, გიორგი ათაბეგაშვილმა და ფედერაციის პირველმა ვიცე-პრეზიდენტმა, დავით ქევხიშვილმა წარადგინეს.

აღნიშნული პროექტი ფედერაციის მიერ წლების წინ დაწყებული პროგრამების ერთობლიობაა და ჯამში სამ პროგრამას მოიცავს:
საკლუბო სისტემა – 300 000 ლარი (ხორციელდება 2014 წლიდან);
პირადი მწვრთნელი ჭაბუკებსა და ახალგაზრდებში – 350 000 ლარი (ნაწილობრივ დაიწყო გასული და მიმდინარე წლიდან);
საგამოცდო-საშეჯიბრო სისტემა – 350 000 ლარი ( განსახორციელებლად ჩაეშვება 2024 წლიდან) .