ავღანეთში, თორმეტი ადამიანი საფეხბურთო სტადიონზე, ათასობით მაყურებლის წინაშე გაამათრახეს, მათ შორის სამი ქალია. ამის შესახებ ინფორმაციას BBC ავრცელებს. როგორც მოძრაობა „თალიბანმა“ „ბიბისის“ განუმარტა, ისინი მრუშობის, ქურდობისა და ჰომოსექსუალური კავშირებისთვის დასაჯეს. „თალიბანის“ პრესსპიკერმა განაცხადა, რომ საჯაროდ დასჯის შემდეგ სამივე ქალი გაათავისუფლეს, მამაკაცებიდან კი ნაწილი დააპატიმრეს.

 უნგრეთის მთავრობამ მიიღო გადაწყვეტილება, უკრაინას ევროკავშირის მიერ დაგეგმილი 18 მილიარდამდე ევროს მოცულობის ფინანსური დახმარების პაკეტში საკუთარი წვლილი შეიტანოს და უკრაინას 187 მილიონი ევროს ფინანსური დახმარება გაუწიოს. მედიის ინფორმაციით, პრემიერ-მინისტრ ვიქტორ ორბანის მთავრობამ განაცხადა, რომ მზადაა უკრაინის მხარდაჭერის წილი გადაიხადოს, მაგრამ ურჩევნია, ეს გადახდა ორმხრივ საფუძველზე განახორციელოს და არა ევროკავშირის ერთობლივი …

 როგორც რუსული გამოცემა „იზვესტია” იუწყება,  რუსეთში, კამჩატკის ნახევარკუნძულზე ვულკანი „შიველუჩი” ამოიფრქვა. გამოცემის ინფორმაციით, ჯერ კიდევ 20 ნოემბერს გახდა ცნობილი, რომ ვულკანის ძლიერი ამოფრქვევა მოხდებოდა, რაზეც მეცნიერები საუბრობდნენ. „შიველუჩი” კამჩატკის ერთ-ერთი ყველაზე დიდი ვულკანია. მასთან უახლოესი დასახლებული პუნქტი კლიუჩი 50 კილომეტრის მანძილზე მდებარეობს, ხოლო ქალაქი პეტროპავლოვსკ-კამჩატსკი 450 კილომეტრის მანძილზე.

სახელმწიფო უსაფრთხოების სამსახურის განცხადებით, ოკუპირებულ სოფელ არცევის მიმდებარე ტერიტორიაზე უკანონოდ დააკავეს საქართველოს მოქალაქე. გააქტიურებულია ცხელი ხაზი. საოკუპაციო ძალის მიერ განხორციელებული ინციდენტის შესახებ ეცნობა ჟენევის საერთაშორისო დისკუსიების თანათავმჯდომარეებს. “ოკუპირებულ ტერიტორიებზე უკანონო პატიმრობაში მყოფი საქართველოს ყველა მოქალაქის გასათავისუფლებლად მიმდინარეობს აქტიური მუშაობა ცენტრალური ხელისუფლების ხელთ არსებული ყველა მექანიზმის გამოყენებით. საქართველოს მოქალაქეების უკანონო დაკავების …

ყოფილი პრეზიდენტის ჯანმრთელობის დაზიანების დონეზე დასკვნა უნდა იყოს წარდგენილი სასამართლოში და დიდი იმედი მაქვს, ამ შეთხვევაში სასამართლო იქნება მოწოდების სიმაღლეზე, – ამის შესახებ საქართველოს პრეზიდენტმა, სალომე ზურაბიშვილმა ჟურნალისტებს განუცხადა. როგორც სალომე ზურაბიშვილმა აღნიშნა, მიხეილ სააკაშვილის ჯანმრთელობის მდგომარეობის საკითხთან დაკავშირებით ყურადღებით არის. „რაც შეეხება ყოფილი პრეზიდენტის ჯანმრთელობას, მე არაერთხელ მითქვამს, რომ …

საქართველოს სახალხო არტისტი თამარ სხირტლაძე 93 წლისა გარდაიცვალა. ინფორმაციას მაჯანიშვილის თეატრი ავრცელებს. თამარ სხირტლაძე 1929 წელს, ლაგოდეხში დაიბადა. 1949 დაამთავრა თბილისის კოტე მარჯანიშვილის სახელობის სახელმწიფო აკადემიურ თეატრთან არსებული დრამატული სტუდია. შემდგომში კი გახდა მარჯანიშვილის თეატრის მსახიობი. მონაწილეობდა ისეთ სპექტაკლებსა და ფილმებში როგორებიცაა: „კაცია-ადამიანი?!“, „მოძღვარი“, „მეფე ლირი“, „ადამიანთა სევდა“, „ფესვები“, „ლუკას …

თბი­ლის­ში, 12 წლის მო­ზარ­დმა ბავ­შვი გა­ა­ჩი­ნა. “და­ი­ბა­და გო­გო­ნა, თავს ორი­ვე კარ­გად გრძნობს” – გა­ნუ­ცხა­და AMBEBI.GE -ს “პირ­ვე­ლი სა­უ­ნი­ვერ­სი­ტე­ტო კლი­ნი­კის” ექიმ­მა ლალი ტუ­რძლა­ძემ. გო­გო­ნა რამ­დე­ნი­მე სა­ა­თის წინ კა­ტას­ტრო­ფის ბრი­გა­დით რუს­თა­ვი­დან გა­და­იყ­ვა­ნეს კლი­ნი­კა­ში. მო­უმ­წი­ფე­ბე­ლი ორ­გა­ნიზ­მის გამო ექი­მე­ბი გარ­თუ­ლე­ბებს ელოდ­ნენ. არას­რულ­წლო­ვა­ნი 11 წლის იყო, მე­ექ­ვსე კლას­ში, როცა და­ორ­სულ­და. არას­რულ­წლო­ვა­ნია ბავ­შვის მა­მაც. გა­მო­ძი­ე­ბა მიმ­დი­ნა­რე­ობს სქე­სობ­რი­ვი და­ნა­შა­უ­ლის ფაქ­ტზე.

 ევროპარლამენტმა რუსეთი ტერორიზმის სპონსორ სახელმწიფოდ გამოაცხადა. ევროპარლამენტარები ხაზს უსვამენ, რომ რუსეთის ძალებისა და მათი მარიონეტების მიერ უკრაინაში მშვიდობიანი მოსახლეობის წინააღმდეგ მიზანმიმართული თავდასხმები და სისასტიკეები, სამოქალაქო ინფრასტრუქტურის განადგურება, საერთაშორისო და ჰუმანიტარული სამართლის სხვა სერიოზული დარღვევები წარმოადგენს ტერორისტულ აქტებს და სამხედრო დანაშაულს. ევროპარლამენტის ინფორმაციით, დეპუტატები აღიარებენ რუსეთს, როგორც სახელმწიფოს, რომელიც „ტერორიზმის საშუალებებს იყენებს“. …

უკრაინის დედაქალაქის მერმა ვიტალი კლიჩკომ კრიტიკულ ინფრასტრუქტურაზე რუსეთის მხრიდან მიტანილი იერიშის შესახებ ცნობები დაადასტურა. აფეთქებებმა ელექტროენერგიის გათიშვა გამოიწვია. უკრაინული მედიის ინფორმაციით, რუსეთი უკრაინის წინააღმდეგ მასშტაბურ სარაკეტო იერიშებს ახორციელებს. უკრაინის რეგიონები ელექტროენერგიის გარეშეა დარჩენილი, კიევში კი, წყლის მიწოდება შეწყდა. როგორც ცნობილია,  რუსეთმა უკრაინის მიმართულებით ერთდროულად ცხრა ერთეული „ტუ-95“-ის ტიპის სტრატეგიული ბომბდამშენი გაუშვა. …

 რეჟისორ ჯეიმს კამერონის ცნობილი ფილმის – „ავატარის“ მეორე ნაწილის ახალი თრეილერი გამოქვეყნდა. სურათი სახელწოდებით „ავატარი: წყლის გზა“ ეკრანებზე 16 დეკემბერს გამოვა.  ცნობისთვის, ფილმის სიუჟეტი პირველი სურათის მოვლენებიდან 10 წლის შემდეგ ვითარდება. მთავარი გმირები მაყურებლებისთვის პირველი ნაწილიდან ცნობილი ჯარისკაცი დედამიწიდან ჯეიკ სალი და პლანეტა პანდორას ბინადარი ნეიტირი იქნებიან, რომლებიც შვილებს ზრდიან.