Starvision.ge | Star FM 93.9 ტელე და რადიო მაუწყებლობა | მოუსმინე, წაიკითხე, უყურე > STARVISION.GE

უკრაინის დედაქალაქ კიევში მეტროს მუშაობა ყველა ხაზზე დროებით შეჩერებულია, – ამის შესახებ კიევის მერმა, ვიტალი კლიჩკომ განაცხადა. მისივე ინფორმაციით, მეტროს მიწისქვეშა სადგურები სარაკეტო თავდასხმის გამო თავშესაფრის ფუნქციას ასრულებს. კლიჩკომ კიევის მცხოვრებლებს თავშესაფრებში დარჩენისკენ მოუწოდა. შეგახსენებთ, რუსულმა ძალებმა დღეს უკრაინის ტერიტორიაზე მასიური სარაკეტო თავდასხმა განახორციელეს.

15 დეკემბერს საქართველოს პარლამენტის ეროვნულ ბიბლიოთეკაში, პირველად საქართველოში, გაიხსნა პრესის მუზეუმი. ღონისძიებას საქართველოს პარლამენტის თავმჯდომარე შალვა პაპუაშვილი, კულტურის, სპორტისა და ახალგაზრდობის მინისტრი თეა წულუკიანი, პარლამენტის კულტურის კომიტეტის თავმჯდომარის მოადგილე ქეთევან დუმბაძე და სხვა მიწვეული სტუმრები დაესწრნენ. როგორც ცნობილია, მუზეუმი შეიქმნა ეროვნული ბიბლიოთეკის საქართველოს ეროვნული ბიბლიოგრაფიის საარქივო ფონდის განყოფილების ბაზაზე. ამ …

რუსეთის პრეზიდენტი, ვლადიმერ პუტინი ორშაბათს ბელარუსს ეწვევა, – ინფორმაციას მედიასაშუალებები ბელორუსის პრეზიდენტის ოფისზე დაყრდნობით ავრცელებენ. გავრცელებული ინფორმაციით, სამუშაო ვიზიტის ფარგლებში ვლადიმერ პუტინი ბელარუს კოლეგას, ალექსანდრე ლუკაშენკოს მინსკში შეხვდება. ვიზიტის შესახებ დეტალები ამ დროისთვის უცნობია.

უკრაინის ომბუდსმენი სთხოვს საქართველოს ხელისუფლებას, მიხეილ სააკაშვილთან შეუშვან. ამის შესახებ დმიტრო ლუბინეცი „ტელეგრამის“ საკუთარ გვერდზე წერს. ლუბინეცის თქმით, სააკაშვილის ჯანმრთელობის მდგომარეობა საგრძნობლად გაუარესდა და ამიტომ აუცილებელია, თავად დარწმუნდეს, რომ სააკაშვილის სიცოცხლეს საფრთხე არ ემუქრება. „მოვუწოდებ ხელისუფლებას, შემიშვან უკრაინის მოქალაქესთან, რომელიც ახლა „ვივამედის“ სამედიცინო ცენტრში იმყოფება. კრიტიკული მდგომარეობა, რომელშიც ახლა სააკაშვილი იმყოფება, შეშფოთებას იწვევს. ამიტომ ქართულმა მხარემ …

უკრაინის მთელ ტერიტორიაზე საჰაერო შეტევის გამაფრთხილებელი განგაში გამოცხადდა. ნიკოლაევის ოლქის გუბერნატორის ვიტალი კიმის ცნობით, რუსეთმა მორიგი მასშტაბური შეტევა წამოიწყო და უახლოეს ხანში უკრაინის საჰაერო სივრცეში სულ მცირე 60 რაკეტა შევა. საჰაერო შეტევის მანიშნებელი სიგნალი უკრაინის ტერიტორიაზე ადგილობრივი დროით დილის 8 საათიდან ჩაირთო. განგაშის სიგნალი ისმოდა კიევში, ჟიტომირის და ვინიცის ოლქებში. ტელეგრამ …

“ნაციონალური მოძრაობის“ დეპუტატები, დავით კირკიტაძე, ანა წითლიძე და აბდულა ისმაილოვი შიმშილობას იწყებენ. ამის შესახებ დავით კირკიტაძემ რამდენიმე წუთის წინ, ბრიფინგზე განაცხადა. დავით კირკიტაძის განმარტებით, „შიმშილობას აცხადებენ მიხეილ სააკაშვილის იმ ქვეყანაში გადაყვანამდე, სადაც მისი ჯანმრთელობა იქნება უზრუნველყოფილი“. მისივე თქმით, აღნიშნულ პოლიტიკურ აქტთან დაკავშირებით ფრაქციის შიგნით აზრთა სხვადასხვაობა იყო. „საქართველოს ხელისუფლების მიერ …

აშშ-ის აღმოსავლეთ სანაპიროს ძლიერი ქარიშხალი დაატყდა თავს. BBC-ის ცნობით, უამინდობას აშშ-ში სულ მცირე 3 ადამიანი ემსხვერპლა. სტიქიური უბედურების გამო ქვეყანაში 3 300-ზე მეტი ავიარეისი გადაიდო, 150-ზე მეტი კი გაუქმდა. BBC-ის ცნობით, აშშ-ის აღმოსავლეთ და სამხრეთ ნაწილებში ასევე მოსალოდნელია ტორნადოების წარმოქმნა, რის გამოც ადგილობრივი ხელისუფლება მოსახლეობას განსაკუთრებული სიფრთხილისკენ მოუწოდებს.

ჯეიმს განმა დაადასტურა, რომ Man of Steel-ის შემდეგი ნაწილის გადაღება აღარ იგეგმება და სუპერმენის პერსონაჟის შესახებ ახალი გეგმები გაგვაცნო. მისი თქმით, სუპერმენის ახალგაზრდობის წლებზე ფილმის გადაღებას აპირებს, რომელშიც ჰენრი კავილს ვეღარ ვიხილავთ. ჯეიმს განმა განაცხადა, რომ მალე ახალ პროექტებზე იწყებს მუშაობას, რის შესახებაც ოფიციალურ განცხადებას შემდეგი წლის დასაწყისში გააკეთებს. ასევე, ცოტა ხნის …

უკრაინის გენშტაბის ინფორმაციით, რუსეთის 58-ე არმიის სარდლობა განადგურებულია. „ქალაქ მელიტოპოლში 58-ე არმიის სარდლობის გარდა, ენერგოდარის, ტოკმაკისა და გულაიპოლეს რაიონში განადგურებულია 3 საარტილერიო დანაგდარი და 10 ერთეულამდე სხვადასხვა ტიპის სამხედრო ტექნიკა. დაჭრილია მოწინააღმდეგის 150-მდე ჯარისკაცი”, – აღნიშნულია უკრაინის შეიარაღებული ძალების გენერალური შტაბის განცხადებაში. შეგახსენებთ, რომ ზემოაღნიშნული დანაყოფი 2008 წელს შემოიჭრა საქართველოში.

თბილისში, პეკინის გამზირზე მდებარე „საქართველოს ბანკის“ ფილიალზე ყაჩაღური თავდასხმა მოხდა. საქართველოს პირველი არხის ინფორმაციით, ბანკში ნიღბიანი, შეიარაღებული პირი შეიჭრა და ბანკის თანამშრომლებს იარაღის მუქარით თანხა მოსთხოვა. ბანკის თანამშრომლებმა თავდამსხმელს თანხა გადასცეს, რის შემდეგაც თავდამსხმელმა ტერიტორია დატოვა. შემთხვევის ადგილზე საგამოძიებო მოქმედებები მიმდინარეობს.

დიდი ბრიტანეთის ტახტის მემკვიდრეებმა უელსის პრინცმა და პრინცესამ ტრადიციული საშობაო პორტრეტი გამოაქვეყნეს. ამის შესახებ BBC წერს. ფოტოზე უილიამი და ქეითი ისინი შვილებთან, ჯორჯთან, შარლოტასთან და ლუისთან ერთად არიან აღბეჭდილები. სურათი ფოტოგრაფმა მეტ პორტუამ გადაიღო.

ახლა მივიღე გზავნილი ევროპარლამენტარებისგან, რომლებიც კატეგორიულად მთხოვენ, ამ ეტაპზე შევწყვიტო შიმშილობა, რათა საბაბი არ მივცე შესაბამის სამსახურებს, რომ მე თვითონ ვიყენებ ზიანს, – ამის შესახებ საქართველოს ყოფილი პრეზიდენტის მიხეილ სააკაშვილის წერილშია აღნიშნული. ამასთან, სააკაშვილი წერილში საუბრობს, რომ „მრავალი თვის განმავლობაში იყო არასათანადო მოპყრობის მსხვერპლი, რაც მსოფლიოს საუკეთესო ექსპერტების, მათ შორის …

საქართველოს პარლამენტის საშემოდგომო სესიის პლენარულ სხდომაზე 2023-2025 წლების ფულად-საკრედიტო და სავალუტო პოლიტიკის ძირითადი მიმართულებების წარდგენისას, ეროვნული ბანკის პრეზიდენტმა, კობა გვენეტაძემ ინფლაციის თარგეთირების რეჟიმის უპირატესობაზე ისაუბრა. მისი თქმით, საქართველოში ინფლაციის თარგეთირების შემოღების შემდეგ, საშუალო ინფლაცია შემცირდა. ეროვნული ბანკის პრეზიდენტმა აღნიშნა, რომ 2009-დან 2022 წლის ნოემბრის ჩათვლით, საქართველოში წლიური ინფლაციის საშუალო მაჩვენებელი …

ევროპარლამენტმა მხარი დაუჭირა საქართველოს ყოფილი პრემიერ-მინისტრის, ბიძინა ივანიშვილის წინააღმდეგ სანქციების დაწესებას. რეზოლუციის მეექვსე შესწორებაში, რომლიც ავტორიცაა ევროდეპუტატი მირიამ ლექსმანი, აღნიშნულია, რომ „დაუწესდეს პერსონალური სანქციები ივანიშვილს და ყველა იმ ადამიანს, ვინც პასუხისმგებელია დემოკრატიული პროცესების გაუარესებაზე“. ამ შესწორებას დღევანდელ სესიაზე მხარი 275-მა დეპუტატმა დაუჭირა. წინააღმდეგი 212 ევროპარლამენტარი წავიდა. 132-მა კი თავი შეიკავა.

ევროპარლამენტმა საქართველოსთან ასოცირების ხელშეკრულების შესრულების შესახებ ყოველწლიური ანგარიში მიიღო, რომელშიც რეკომენდაციის სახით, რამდენიმე შესწორება შევიდა. კერძოდ, ერთ-ერთ შესწორებაში აღნიშნულია, რომ „ევროპარლამენტი ხაზს უსვამს ეკონომიკურ, პოლიტიკურ და საზოგადოებრივ ცხოვრებაში პირადი ინტერესების გადაჭარბებული გავლენის აღმოფხვრის აუცილებლობას, როგორც კომისიის მიერ განსაზღვრულ ერთ-ერთ პრიორიტეტს, რომელიც უნდა განიხილებოდეს საქართველოსთვის კანდიდატის სტატუსის მინიჭებამდე“. დღეს მიღებულ ანგარიშში აღნიშნულია, …