ამერიკის შეერთებული შტატების საელჩო სოციალურ ქსელში პოსტს აქვეყნებს. განცხადებაში, შეერთებულმა შტატებმა კიდევ ერთხელ დაადასტურა საქართველოს ევროატლანტიკური მისწრაფების მხარდაჭერა. გარდა ამისა, დახმარება აღუთქვა აუცილებელი რეფორმების განხორციელების პროცესში.  

სამხრეთ ჩინეთში წყალდიდობაა, ევაკუირებულია ათასობით ადამიანი. სინოპტიკოსების განცხადებით, რეგიონში ყველაზე დიდი ოდენობის ნალექი ფიქსირდება ბოლო 60 წლის განმავლობაში, – ამის შესახებ BBC წერს. მდინარეების ადიდების გამო, მოსახლეობას მოუწოდებენ, მოშორებით, შემაღლებულ ადგილებზე გადაინაცვლონ.

საქართველოს წყალბურთელთა ნაკრებმა თავის პირველ მსოფლიო ჩემპიონატზე გახსნითი მატჩი ბრაზილიასთან გამართა და მეტოქე ანგარიშით 14:10 დაამარცხა. პირველ ტაიმში ბრაზილიელებმა დეიან სტანოიევიჩის გუნდს ღირსეული წინააღმდეგობა გაუწიეს. წინასწარ ფავორიტად მიჩნეულმა ქართველებმა ვერც პირველი მეოთხედის მოგება მოახერხეს და ვერც – მეორის. დიდ შესვენებაზე გუნდები თანაბარი ანგარიშით გავიდნენ – 5:5. მატჩის ბედი მესამე პერიოდში …