საზოგადოება

შავნაბადას ტყეში ხანძარი ლოკალიზებულია. ამის შესახებ საქართველოს პირველ არხს შსს-ს საგანგებო სიტუაციების მართვის სამსახურში განუცხადეს. მათივე ცნობით, ამ წუთებში ადგილზე მიმდინარეობს ცალკეული მხრჩოლავი კერების დამუშავება. როგორც საგანგებო სიტუაციების მართვის სამსახურში აღნიშნეს, სახანძრო-სამაშველო ბრიგადები ადგილზე დღე-ღამის განმავლობაში მუშაობდნენ. ასევე ხანძრის ქრობის პროცესში ჩართული იყო ავიაცია.

დიდუბეში ხანძარია. არსებული ინფორმაციით, ცეცხლი ჰიპერმარკეტ „გორგიას“ ტერიტორიაზე, საწყობში გაჩნდა. ადგილზე მუშაობენ სახანძრო-სამაშველო ჯგუფები.

შავნაბადას ტყეში ხანძრის ქრობის პროცესში თურქეთის ავიაცია ჩაერთო. ამის შესახებ საგანგებო სიტუაციების მართვის სამსახურში განაცხადეს. შავნაბადას ტყესა და მინდორში ხანძრის სალოკალიზაციო სამუშაოებისთვის სახანძრო-სამაშველო ჯგუფებია მობილიზებული. ხანძარია ტერიტორიაზე არსებულ ტყესა და მინდორში.

ქარელის მუნიციპალიტეტში, ძამას ხეობაში ხანძარია. შიდა ქართლის სახელმწიფო რწმუნებულის მოადგილის ინფორმაციით, დამწვარია 4 საცხოვრებელი სახლი. ადგილზე 10-ზე მეტი სახანძრო-სამაშველო ჯგუფი მუშაობს. მიმდინარეობს ხანძრის სალიკვიდაციო სამუშაოები. ჯერჯერობით უცნობია ხანძრის გავრცელების ფართობი. ფოტო: imedinews.ge

საქართველო ოდესის VIII საერთაშორისო ლიტერატურული ფესტივალს უმასპინძლებს: 2022 წლის 5-8 ოქტომბერს უკრაინული ფესტივალი ქალაქ ბათუმში გაიმართება. წლევანდელი ფესტივალის ერთ-ერთი მთავარი თემა უკრაინის წინააღმდეგ რუსეთის ომი და მთელ მსოფლიოზე მისი გავლენა იქნება. როგორც ორგანიზატორები აღნიშნავენ, ამ ფესტივალით მეგობრობისა და სოლიდარობის ლიტერატურული ხიდი გაიდება შავი ზღვის ორ მხარეს შორის. ფესტივალის ფარგლებში ქალაქი …

კაცობრიობა დაიღალა, ჩვენც დავიღალეთ, მაგრამ გული არ უნდა გაგვიტყდეს. ყოვლაწმინდა ღვთისმშობელი ჩვენთან არის. გიხაროდეთ, რამეთუ ჩვენ შვილები ვართ ღვთისმშობელისა, – ამის შესახებ სრულიად საქართველოს კათოლიკოს-პატრიარქმა ილია მეორემ სიონის ტაძარში მარიამობის დღესასწაულთან დაკავშირებით ქადაგებისას განაცხადა. ილია მეორემ მრევლს მარიამობის დღესასწაული მიულოცა. „ყველას გილოცავთ მარიამობას. დღეს ყოვლაწმინდა ღვთისმშობელი ჩვენთანაა. შესთხოვეთ რაც გიჭირთ …

თბილისში, ჩიქობავას ქუჩაზე, იტალიურ ეზოში, საცხოვრებელი სახლის მეორე სართულის აივანი ჩამოინგრა, რის შედეგადაც 74 წლის ქალი დაიღუპა. ჩიქობავას 5 ნომრის მცხოვრებლები ამბობენ, რომ სასწრაფო სამედიცინო დახმარების გამოძახების და ქალის კლინიკაში გადაყვანის მიუხედავად, მისი დაზიანებები სიცოცხლისთვის შეუთავსებელი აღმოჩნდა. უბედური შემთხვევა გუშინ მოხდა. მეზობლების ინფორმაციით, კორპუსი ავარიულია და სჭირდება რეაბილიტაცია. მათი თქმით, …

მართლმადიდებელი სამყარო დღეს ღვთისმშობლის მიძინების დღესასწაულს, მარიამობას აღნიშნავს. ამასთან დაკავშირებით, ტაძრებში წირვა-ლოცვა მიმდინარეობს. ღვთისმშობლის მიძინების სახელობის სიონის საპატრიარქო ტაძარში წირვას კათოლიკოს-პატრიარქი აღავლენს. მღვდელმთავრებთან ერთად, სიონის ტაძარშია ილია მეორის მოსაყდრე შიოც (მუჯირი).

დღეს ტყიბული სახალხო დღესასწაულს „ტყიბულ ქალაქობა 2022“-ს ზეიმობს. ქალაქი სადღესასწაულოდ საგანგებოდ მოირთო. მოეწყო ,,კარვების ქალაქი“, სადაც ეთნოგრაფიული და ხალხური რეწვის ნიმუშების გამოფენა-გაყიდვა გაიმართება. მოეწყობა ეთნო კულინარიის კონკურსი. პატარებისათვის არაერთი სახალისო აქტივობაა დაგეგმილი. გაიმართება ტყიბულის საპატიო მოქალაქეების დაჯილდოება. „ტყიბულ ქალაქობა“ ნატო გელაშვილისა და მისი ბენდის დასკვნითი კონცერტით დასრულდება.

შინაგან საქმეთა სამინისტროს განცხადებით, ბორჯომის მუნიციპალიტეტში ხანძრის ძირითადი ნაწილი ლიკვიდირებულია და მიმდინარეობს აქტიურ კერებზე მუშაობა. “ხანძრის ქრობის პროცესში, მეხანძრე-მაშველებთან ერთად, უწყვეტ რეჟიმში, კვლავ მონაწილეობენ შინაგან საქმეთა სამინისტროს სხვადასხვა დეპარტამენტის, თავდაცვის სამინისტროს, რეგიონული განვითარებისა და ინფრასტრუქტურის სამინისტროს, ასევე, გარემოს დაცვისა და სოფლის მეურნეობის სამინისტროს შესაბამისი სამსახურების თანამშრომლები. ასევე, დილიდან განაახლეს მუშაობა …