Starvision.ge | Star FM 93.9 ტელე და რადიო მაუწყებლობა | მოუსმინე, წაიკითხე, უყურე > STARVISION.GE

ჩინეთის პრეზიდენტის, სი ძინპინის განცხადებით, პეკინი ომისთვის ემზადება. როგორც მედია წერს, ჩინეთის პარლამენტის და მისი უმაღლესი პოლიტიკური საკონსულტაციო ორგანოს ყოველწლიური შეხვედრის დროს, საერთო ჯამში, ჩინეთის ლიდერმა ომისთვის მზადყოფნის თემა ოთხ ცალკეულ გამოსვლაში გამოიტანა. „ფორინ ეფეარის“ ინფორმაციით, ერთ-ერთ გამოსვლაში სი ძინპინმა თავის გენერლებს „მამაცურად ბრძოლისკენ“ მოუწოდა. ჩინეთის მთავრობამ ასევე გამოაცხადა ჩინეთის თავდაცვის ბიუჯეტის …

2022 წელს საქართველოში რეგისტრირებულია 26 048 ქორწინება, რაც 12.5%-ით მეტია წინა წლის შესაბამის მაჩვენებელთან შედარებით. ინფორმაციას ამის შესახებ სტატისტიკის ეროვნული სამსახური ავრცელებს. მათივე ცნობით, პირველი ქორწინების საშუალო ასაკი ქალებისთვის 29.4 წელს, ხოლო მამაკაცებისთვის 31.9 წელს შეადგენს. ამასთან, 2022 წელს, რეგისტრირებულ განქორწინებათა რაოდენობამ 14 098 ერთეული შეადგინა, რაც 32.3%-ით მეტია წინა წლის …

ფრაქცია „ქართული ოცნების“ თავმჯდომარე მამუკა მდინარაძე აცხადებს, რომ პრეზიდენტის ყოველწლიურ მოხსენებაზე კითხვა-პასუხის რეჟიმი არ იქნება, შესაბამისად, არ იქნება შესაძლებლობა მას კითხვები დაუსვან. ასე უპასუხა მდინარაძემ ჟურნალისტის კითხვას, დაუსვამენ თუ არა უმრავლესობის წევრები კითხვას ზურაბიშვილს მის განცხადებაზე, რომ ბიძინა ივანიშვილი ოლიგარქია. „გირჩევთ, რომ გაეცნოთ საქართველოს პარლამენტის რეგლამენტს, რომელსაც ვერ გადავალთ და …

სამართალდამცველებმა 7-9 მარტის აქციების ერთ-ერთი მონაწილე ლაზარე გრიგორიადისი დააკავეს. შსს -ს ინფორმაციით, მამაკაცი აქციაზე პოლიციელებს ქვებსა და ე.წ. მოლოტოვის კოქტეილებს ესროდა. ასევე, ცეცხლი წაუკიდა შინაგან საქმეთა სამინისტროს კუთვნილ ავტომობილს. მომხდარ ფაქტებზე გამოძიება ორი მუხლით მიმდინარეობს. გავრცელებული ინფორმაციით, წარსულში მამის მიმართ ძალადობის მუხლით ნასამართლევი ლაზარე გრიგორიადისი ელენე ხოშტარიას პარტიის წევრია. „შინაგან …

საქართველოს ეროვნული მუზეუმის ერთ-ერთ მუზეუმთა ჯგუფს (შალვა ამირანაშვილის სახელობის საქართველოს ხელოვნების სახელმწიფო მუზეუმი, საქართველოს ეროვნული გალერეა, სიღნაღის ისტორიულ-ეთნოგრაფიული მუზეუმი) ახალი მუზეუმი შეემატა, რომელიც საფრანგეთში, საქართველოს სახელმწიფოს კუთვნილ ტერიტორიაზე არსებული ლევილის მამულის ბაზაზე ჩამოყალიბდა და მას ლევილის ქართულ-ფრანგული მემორიალური მუზეუმი ეწოდა. ამის შესახებ ინფორმაციას საქართველოს ეროვნული მუზეუმი ავრცელებს. მოცემული ცვლილების შესახებ საქართველოს კულტურის, სპორტისა და …

აზერბაიჯანმა სომხეთთან საზღვარზე გარკვეული სიმაღლეები და ტერიტორიები დაიკავა. შესაბამის ინფორმაციას აზერბაიჯანული მედია ქვეყნის თავდაცვის სამინისტროზე დაყრდნობით ავრცელებს. აზერბაიჯანის თავდაცვის უწყების ცნობით, ლაჩინის ახალი გზის ამოქმედებასთან დაკავშირებით, აზერბაიჯანმა კონტროლის ქვეშ აიღო რამდენიმე დომინანტი სიმაღლე, ძირითადი და მეორადი გზა, ასევე ფართო საზღვრისპირა ტერიტორია ლაჩინის რაიონში სოფლებს – ჯაგაზურსა და ზაბუხს შორის. შეგახსენებთ, რომ …

რუსეთში, ჯაშუშობის ბრალდებით, ამერიკული გამოცემის, „უოლ სთრით ჯოურნალის“ ჟურნალისტი დააკავეს. ევან გერშკოვიჩი ქალაქ ეკატერინბურგში დააკავეს. რუსეთის უსაფრთხოების ფედერალური სამსახურის განცხადებით, ის ეჭვმიტანილია ამერიკის მთავრობის სასარგებლოდ ჯაშუშობაში. კერძოდ, რუსული სპეცსამსახურები მედიის წარმომადგენელს ადანაშაულებენ რუსეთის სამხედრო-სამრეწველო კომპლექსის ერთ-ერთი კომპანიის საქმიანობის შესახებ სახელმწიფო ინფორმაციის შეგროვებაში. გერშკოვიჩი რუსეთის, უკრაინისა და ყოფილი საბჭოთა კავშირის სხვა ქვეყნების …

ინფორმაციას სპეციალური საგამოძიებო სამსახური ავრცელებს. უწყებაში ამბობენ, რომ 2023 წლის იანვრიდან მარტამდე პერიოდში, პირადი ცხოვრების საიდუმლოს ხელყოფის, სქესობრივი კავშირის იძულების, პირადი მიმოწერის გავრცელებისა და სიცოცხლის მოსპობის მუქარის 5 ფაქტი გახსნეს. მათი განცხადებით, ყვარლის მუნიციპალიტეტში მცხოვრები 1996 წელს დაბადებული პირი 2022-2023 წლებში, სოციალური ქსელის ფეისბუქით მოტყუებით მოპოვებულ, დაზარალებულის შიშველი სხეულის ამსახველ …

ევროსაბჭოს პრეზიდენტი, შარლ მიშელი გუშინ მოლდოვის პრეზიდენტს შეხვდა. მხარეებმა ერთობლივ პრესკონფერენციაზე განიხილეს მოლდოვის ევროკავშირში გაწევრიანების საკითხი. შარლ მიშელმა აღნიშნა, რომ საქართველოს, მოლდოვას და უკრაინის ევროკავშირში გაწევრიანებასთან დაკავშირებით მოლაპარაკებების დაწყებაზე ევროკავშირი გადაწყვეტილებას წლის ბოლოს მიიღებს. შარლ მიშელის განცხადებით, მომდევნო რამდენიმე თვეში არაერთი მნიშვნელოვანი გადაწყვეტილება გახდება ცნობილი. “ევროკომისიამ უნდა გამოაქვეყნოს უახლესი ანგარიში …

თბილისში ვიზიტით მყოფმა ევროპის საბჭოს საპარლამენტო ასამბლეის მონიტორინგის კომიტეტის წევრებმა საქართველოს პარლამენტში შეხვედრები გამართეს. 12-პუნქტიანი გეგმის შესრულებასთან დაკავშირებით იურიდიულ საკითხთა კომიტეტის საქმიანობასა და ამ მიმართულებით სამომავლო გეგმებზე იმსჯელეს კომიტეტის წევრებთან შეხვედრისას. როგორც კომიტეტის თავმჯდომარე ანრი ოხანაშვილმა შეხვედრის დასრულების შემდეგ განაცხადა, ევროპელი კოლეგების ერთ-ერთ მნიშვნელოვან ინტერესის საგანს წარმოადგენდა, მონაწილეობდა თუ არა ყველა …

ატომური ენერგიის საერთაშორისო სააგენტოს გენერალური დირექტორი რაფაელ გროსი ზაპოროჟიეს ატომური ელექტროსადგურის ტერიტორიაზე ჩავიდა. შესაბამის ინფორმაციას „ენერგოატომი“ და საერთაშორისო სააგენტოს პრესსამსახური ავრცელებს. ეს რაფაელ გროსის მეორე ვიზიტია სადგურზე მას შემდეგ, რაც ის რუსეთის საოკუპაციო ძალებმა დაიკავეს. ატომური ენერგიის საერთაშორისო სააგენტოს ხელმძღვანელი ევროპის უმსხვილეს ბირთვულ ელექტროსადგურზე არსებულ სიტუაციას შეისწავლის. აღსანიშნავია, რომ 2022 წლის სექტემბრიდან ზაპოროჟიეს …

დღეს საქართველოს შვედეთის გვირგვინოსანი პრინცესა, ვიქტორია ეწვევა. საქართველოში შვედეთის საელჩოს ცნობით, პრინცესას საქართველოს პრეზიდენტი და ევროკავშირის სადამკვირვებლო მისია უმასპინძლებს. „შვედეთის ევროკავშირის თავმჯდომარეობის ერთ-ერთი პრიორიტეტია ევროკავშირის სამოქალაქო კრიზისების მართვის მნიშვნელობის ხაზგასმა და ევროკავშირის სამოქალაქო ერთიანი უსაფრთხოებისა და თავდაცვის პოლიტიკის სფეროში მომუშავე მისიების გაძლიერება. საქართველოში ვიზიტით, გვირგვინოსან პრინცესას, ასევე სურს ხაზი გაუსვას …

რესპუბლიკური საავადმყოფოს მედპერსონალი პრემიერმინისტრ ირაკლი ღარიბაშვილთან შეხვედრას ითხოვს. ექიმები ღარიბაშვილის განცხადებებიდან გამომდინარე ფიქრობენ, რომ კლინიკასთან დაკავშირებით პრემიერმინისტრთან სწორი ინფორმაცია არ მოდის.  გარდა ამისა, ისინი ითხოვენ, გათავისუფლდეს რესპუბლიკური საავადმყოფოს დირექტორი და კლინიკის რეაბილიტაცია მოხდეს თანამშრომლების სრული და უპირობო შენარჩუნებით. “17 თებერვალს ჯანდაცვის მინისტრის მიერ ტელეეთერებიდან გავრცელდა ინფორმაცია კლინიკის დანგრევის აუცილებლობის შესახებ. …

ალბანეთში მიმდინარე ჭაბუკ ძალოსანთა მსოფლიო ჩემპიონატზე, 81 კგ. წონით კატეგორიაში ლევან ოჩიგავამ ატაცში ჯერ – 137, შემდეგ კი 143 კგ. დაძლია და ვერცხლის მედლის მფლობელი გახდა. ქართველმა ძალოსანმა აკვრაში 172, 176 და 179 კგ. დააფიქსირა და ოქროს მედალი დაისაკუთრა. ლევან ოჩიგავამ ჩემპიონობა ორჭიდის ჯამშიც იზეიმა – მისი შედეგი 322 კგ-ია.

თურქეთში ოპოზიციური პარტიები რეჯეფ თაიფ ერდოღანის საპრეზიდენტო არჩევნებიდან მოხსნას ითხოვენ. როგორც ადგილობრივი მედია წერს, ამ მოთხოვნით სამი ოპოზიციური პარტიის წარმომადგენლებმა უკვე მიმართეს თურქეთის უმაღლეს საარჩევნო კომისიას. როგორც ისინი აცხადებენ, ერდოღანი უკვე იყო ორჯერ არჩეული ქვეყნის პრეზიდენტად და მესამედ კენჭისყრის უფლება არ აქვს. ოპოზიციონერების თქმით, ერდოღანს საპრეზიდენტო არჩევნებში მონაწილეობის უფლება მხოლოდ იმ შემთხვევაში …