მსოფლიო

მტრის ყოველი განადგურებული პოზიცია არის სიცოცხლის გადარჩენა უკრაინაში, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა. უკრაინის პრეზიდენტი პარტნიორებისგან სამხედრო აღჭურვილობის მიწოდებას ითხოვს. პარალელურად, ვრცელდება ინფორმაცია, რომ რუსეთს სურს, შექმნას დემილიტარიზებული ბუფერული ზონები უკრაინის შიგნით მის მიერ ოკუპირებული ტერიტორიების გარშემო. „ისეთი დარტყმებისთვის, როგორიც დღეს კონსტანტინევკაზე მოხდა, ისევე, როგორც ჩვენ ბევრ ქალაქში, …

თურქეთში 4.6 მაგნიტუდის სიმძლავრის მიწისძვრა მოხდა. ადგილობრივი მედიის ინფორმაციით, ბიძგები ქაჰრამანმარას პროვინციაში იგრძნობოდა, ხოლო ეპიცენტრი გოქსუნის რაიონში დაფიქსირდა. ინფორმაცია ნგრევასა და დაშავებულების შესახებ ჯერჯერობით არ ვრცელდება. შეგახსენებთ, რომ 6 თებერვალს თურქეთ-სირიის საზღვართა ბოლო წლების განმავლობაში ერთ-ერთი ყველაზე მასშტაბური მიწისძვრა მოხდა, მისი მაგნიტუდა 7.8 იყო და სტიქიას 50 000-მდე ადამიანი ემსხვერპლა.

საფრანგეთში საპროტესტო აქციების დროს ქალაქ ბორდოს მერიის შენობას ცეცხლი წაუკიდეს. დასავლური მედიის ინფორმაციით, ხანძარზე პასუხისმგებელი პირების ვინაობა არ დადგენილა. მეხანძრეებმა შენობის შესასვლელში ცეცხლი მალევე ჩააქრეს. საპენსიო რეფორმის წინააღმდეგ გამართულ საპროტესტო აქციაზე საფრანგეთის ქალაქებში მილიონზე მეტმა ადამიანმა მიიღო მონაწილეობა. ქვეყნის მასშტაბით პოლიციამ 80 ადამიანი დააკავა. პარიზში აქციის მონაწილეების დასაშლელად სამართალდამცველებმა ცრემლსადენი გაზი …

რუსეთის საგარეო საქმეთა მინისტრის მოადგილე სერგეი რიაბკოვი აცხადებს, რომ ბირთვული დაპირისპირების რისკი ათწლეულების განმავლობაში ყველაზე მაღალია. აღნიშნულის შესახებ რიაბკოვმა განაცხადა დისკუსიის დროს სიტყვით გამოსვლისას, რომლის სახელწოდებაა „მსოფლიო სტრატეგიული შეიარაღების შემცირების შეთანხმების გარეშე: რა არის შემდეგ?“ „როიტერის“ ცნობით, რიაბკოვმა აღნიშნა, რომ უკრაინის გამო მოსკოვი ვაშინგტონთან, ფაქტობრივად, ღია კონფლიქტის პირობებში იმყოფება და რუსეთის მიმართ …

მსოფლიო ბანკის შეფასებით, რუსეთის სრულმასშტაბიანი შეჭრის გამო, უკრაინას აღდგენისთვის მინიმუმ 411 მილიარდი აშშ დოლარი დასჭირდება, – ინფორმაციას Bloomberg-ი ავრცელებს. გამოცემის ცნობით, აღნიშნული მაჩვენებელი ბანკის, უკრაინის მთავრობის, ევროკომისიის და გაერთიანებული ერების ორგანიზაციის ერთობლივი შეფასების შედეგად მიიღეს. აღსანიშნავია, რომ ეს თანხა 2.6-ჯერ აღემატება უკრაინის 2022 წლის მთლიანი შიდა პროდუქტის მოცულობას. შეფასების თანახმად, რუსეთის …

უკრაინის პრეზიდენტი ვოლოდიმირ ზელენსკი ბახმუტთან უკრაინელი სამხედროების პოზიციებზე იმყოფებოდა. შესაბამის ინფორმაციას ზელენსკის ოფისი ავრცელებს. „დონეცკის ოლქი. უკრაინელი სამხედროების მოწინავე პოზიციები ბახმუტის მიმართულებაზე. პატივი მაქვს დღეს, ვიმყოფებოდე აქ და დავაჯილდოო ჩვენი გმირები, ხელი ჩამოვართვა და მადლობა გადავუხადო ჩვენი სახელმწიფოს სუვერენიტეტის დაცვისთვის“, – ნათქვამია ზელენსკის განცხადებაში. შეგახსენებთ, რომ ბახმუტი უკრაინის ფრონტზე ერთ-ერთი ყველაზე აქტიური შეტაკებების მიმართულებაა. დონეცკის ოლქის ქალაქ ბახმუტის აღებას რუსეთის ძალები თვეებია, რაც ცდილობენ.

ავღანეთსა და პაკისტანში მიწისძვრის შედეგად, სულ მცირე, 12 ადამიანი დაიღუპა, 200-ზე მეტი დაშავდა. ინფორმაციას „ბიბისი“ ავრცელებს. 6,5 მაგნიტუდის სიმძლავრის მიწისძვრის ეპიცენტრი ავღანეთის ჩრდილო-აღმოსავლეთ ნაწილში დაფიქსირდა. მიწისქვეშა ბიძგების შედეგად დაზიანდა შენობები. სტიქიამ გამოიწვია მეწყერიც. შედეგად, პაკისტანში რამდენიმე ავოტომაგისტრალზე მანქანების მოძრაობა შეუძლებელი გახდა. მოქალაქეების ნაწილმა ღამე ქუჩაში გაათენა. მიწისძვრა იგრძნობოდა ინდოეთში, უზბეკეთში, ყაზახეთში, …

უკრაინის თავდაცვის სამინისტროს მთავარი სადაზვერვო სამმართველოს წარმომადგენლის, ანდრეი იუსოვის განცხადებით, რუსეთი ყოველთვიურად 20 000 ადამიანის მობილიზებას ახერხებს. “ეს პროცესი გრძელდება. ფარული მობილიზაციის ფარგლებში, რაშისტები ყოველთვიურად 20 000 ადამიანის მობილიზებას ახერხებენ. დამატებით. ასევე მზადდება ახალი სამობილიზაციო ღონისძიებები. რუსეთში ფარული მობილიზაცია და შემდგომი სამობილიზაციო ღონისძიებებისთვის მზადება მიუთითებს იმაზე, რომ განხორციელებული მობილიზაციაც კი არ …

ჩინეთის პრეზიდენტი სი ძინპინი ოფიციალური ვიზიტით მოსკოვში ჩავიდა. ჩინეთის ლიდერის თვითმფრინავი ვნუკოვოს აეროპორტში რამენიმე წუთის წინ დაეშვა. ჩინეთის პრეზიდენტი რუს კოლეგას, ვლადიმერ პუტინს კრემლში, მოსკოვის დროით 15:00 საათზე შეხვდება. თანამდებობაზე მესამე ვადით არჩევის შემდეგ, ეს ჩინეთის პრეზიდენტის პირველი საერთაშორისო ვიზიტია.

დონეცკის რეგიონული სამხედრო ადმინისტრაციის ხელმძღვანელის, პაველ კირილენკოს განცხადებით, გუშინ რუსებმა დონეცკის ოლქი დაბომბეს, რის შედეგადაც 3 ადამიანი დაიღუპა. “18 მარტს, რუსულმა ძალებმა დონეცკის ოლქში 3 ადამიანი მოკლეს: 2 კრამატორსკში და 1 კონსტანტინოვკაში. გარდა ამისა, 18 ადამიანი დაშავდა”, – თქვა დონეცკის რეგიონული სამხედრო ადმინისტრაციის ხელმძღვანელმა. უკრაინის ცნობით, 18 მარტს, რუსებმა კრამატორსკი დაბომბეს, რის …